பூநகரியில் 77 கிலோமீற்றர் வீதி புனரமைக்க வேண்டும்

-நடராசா கிருஸ்ணகுமார்

கிளிநொச்சி, பூநகரிப் பிரதேச செயலாளர் பிரிவில், வீதி அபிவிருத்தித் திணைக்களத்துக்குச் சொந்தமான 77 கிலோமீற்றர் வீதி புனரமைக்கப்பட வேண்டியுள்ளதாக பூநகரிப் பிரதேச செயலாளர் ச.கிருஸ்ணேந்திரன், செவ்வாய்க்கிழமை (26) தெரிவித்தார்.

இதற்கமைய, பூநகரியின் கௌதாரிமுனைக்கான 17 கிலோமீற்றர் வீதியும் வலைப்பாடு, கிராஞ்சி, தம்பிராய், கொல்லங்குறிச்சி ஆகிய பகுதிகளுக்கான வீதிகளும் புனரமைக்கப்பட வேண்டியுள்ளது.

வீதி புனரமைக்கப்படாதுள்ளதால், கௌதாரிமுனையில் 117 குடும்பங்கள் போக்குவரத்து நெருக்கடியை எதிர்கொண்டுள்ளன. இதேபோன்று, வேரவில், கிராஞ்சி, வலைப்பாடு ஆகிய பகுதிகளைச் சேர்ந்த 1,000 வரையான குடும்பங்கள் வீதி புனரமைக்கப்படாமையினால் பல்வேறு அசௌகரியங்களை எதிர்கொண்டுள்ளதாகவும் அவர் மேலும் தெரிவித்தார்.