பொலிஸ் உத்தியோகத்தரை மோதிய சாரதிக்கு பிணை

-செல்வநாயகம் கபிலன்

உழவு இயந்திரத்தில் பொலிஸ் உத்தியோகத்தரை மோதி காயத்தை ஏற்படுத்திய உழவு இயந்திர சாரதியை, 75 ஆயிரம் ரூபாய் பெறுமதியான ஆட்பிணையில் செல்ல மல்லாகம் மாவட்ட நீதிபதி ஏ.யூட்சன் செவ்வாய்க்கிழமை (19) அனுமதியளித்தார்.

அத்துடன், வழக்கு விசாரணையை எதிர்வரும் பெப்ரவரி மாதம் 25ஆம் திகதிக்கு நீதிபதி ஒத்திவைத்தார்.

திங்கட்கிழமை(18), சுன்னாகம் பகுதியில், மோட்டார் சைக்கிள் செலுத்தி சென்ற பொலிஸ் உத்தியோகத்தரை உழவு இயந்திரம் மோதியது.

இச் சம்பவத்தில், பலாலி பொலிஸ் நிலையத்தில் கடமையாற்றும் பொலிஸ் உத்தியோகத்தர் காயங்களுக்குள்ளாகி வைத்தியசாலையில் அனுமதிக்கப்பட்டுள்ளார்.