மணல் அகழ்வில் ஈடுபட்டவருக்கு அபராதம்

-  சுப்பிரமணியம் பாஸ்கரன்

கிளிநொச்சி, பன்னங்கண்டி பகுதியில் மணல் அகழ்வில் ஈடுபட்டவருக்கு ஒரு இலட்சம் ரூபாய் அபராதம் விதித்து கிளிநொச்சி நீதிவான் நீதிமன்றில் நீதிமன்ற நீதிவான் ஏ.ஏ.ஆனந்தராஜா, புதன்கிழமை (10) உத்தரவிட்டார்.

பன்னங்கண்டிப் பகுதியில் மணல் அகழ்விற்கு பயன்படுத்தும் உபகரணத்தைப் பயன்படுத்தி உழவு இயந்திரத்தின் மூலம் மணல் அகழ்வில் ஈடுபட்ட ஒருவரை கைது செய்த கிளநொச்சி பொலிசார் குறித்த உபகரணத்தையும் சந்தேகநபரையும் நீதிமன்றத்தில் ஆஜர்ப்படுத்தினர்.

இதன்போது அபராதம் விதிக்க உத்தரவிட்ட நீதிவான் மண் அகழ்வு உபகரணத்தையும் அழிக்குமாறும் உத்தரவிட்டார்.