மன்னாரில் திருடிய முச்சக்கரவண்டியுடன் யாழில் ஒருவர் கைது

-செல்வநாயகம் கபிலன்

மன்னார் உடப்புப் பகுதியிலுள்ள வீட்டின் முன் நிறுத்தி வைக்கப்பட்டிருந்த முச்சக்கரவண்டியை, மூன்று மாதங்களுக்கு முன்னர் திருடிய சந்தேகநபரை, யாழ்ப்பாணம் - நல்லூரில் நேற்று வெள்ளிக்கிழமை (19) கைதுசெய்துள்ளதாக யாழ்ப்பாணம் குற்றத்தடுப்பு பொலிஸார் தெரிவித்தனர்.

குற்றத்தடுப்பு பொலிஸாருக்கு கிடைத்த இரகசிய தகவலை அடுத்து நல்லூர் பகுதிக்குச் சிவில் உடையில் சென்ற பொலிஸார், திருடப்பட்ட முச்சக்கரவண்டியினை மீட்டதுடன், நாவற்குழி பகுதியினைச் சேர்ந்த 29 வயதுடைய சந்தேகநபரையும் கைதுசெய்துள்ளனர்.

கைதான சந்தேகநபரை மன்னார் பொலிஸாரிடம் ஒப்படைக்க நடவடிக்கை எடுக்கப்பட்டுள்ளது.