முச்சக்கரவண்டி குடைசாய்ந்ததில் 06 சிறுவர்கள் காயம்

-கி.பகவான்

தனியார் கல்வி நிறுவனத்துக்கு சிறுவர்களை ஏற்றிச் சென்ற முச்சக்கரவண்டியொன்று, கெருடாவில் பகுதியில் ஞாயிற்றுக்கிழமை (24) மாலை குடைசாய்ந்ததில் அதில் பயணித்த 6 சிறுவர்களில் 2 சிறுவர்கள் படுகாயமடைந்ததுடன், 4 சிறுவர்கள் சிறுகாயங்களுக்குள்ளாகினர்.

சரசாலை தெற்கைச் சேர்ந்த அன்ரன் தவராசா கோபிகா (வயது 10) என்ற சிறுமி யாழ்ப்பாணம் போதனா வைத்தியசாலையிலும், அதேயிடத்தைச் சேர்ந்த கோபிராஜ் சஜித்தா (வயது 10) என்பவர் சாவகச்சேரி ஆதார வைத்தியசாலையிலும் சிகிச்சை பெற்றனர். மிகுதி 4 சிறுமிகளும் வைத்தியசாலையில் சிகிச்சை பெற்று வீடு திரும்பினர்.

சம்பவம் தொடர்பில் கொடிகாமம் பொலிஸார் விசாரணைகளை முன்னெடுத்து வருகின்றனர்.