மே தினத்திலும் வீடியோ எடுத்த பொலிஸார்

-எம்.றொசாந்த்

தமிழ்த் தேசிய மக்கள் முன்னணியின் தொழிலாளர் தின நிகழ்வு திங்கட்கிழமை (01) இடம்பெற்ற போது, போராட்டத்தில் கலந்து கொண்டிருந்தவர்களை, பாதுகாப்பு கடமையில் ஈடுபட்ட பொலிஸார் வீடியோ எடுத்தனர்.

தொழிலாளர் தின நிகழ்வு சாவகச்சேரியிலுள்ள வார்வனநாதர் சிவன் கோவில் முன்றலில் திங்கட்கிழமை (01) மாலை இடம்பெற்றது.

இதன்போது, அங்கு கடமையிலிருந்த பொலிஸ் பரிசோதகர், பேரணியில் கலந்து கொண்டவர்களை வீடியோ எடுத்துக்கொண்டிருந்தார்.

வட மாகாணத்தில் இடம்பெறும் போராட்டங்களின் போது, பொலிஸார் மற்றும் இராணுவ புலனாய்வாளர்கள், போராட்டத்தில் ஈடுபடுபவர்களை அச்சுறுத்தும் வகையில் புகைப்படங்கள் மற்றும் வீடியோ எடுத்து வருகின்றமை குறிப்பிடத்தக்கது.