மாந்தை கிழக்கு சனசமூக நிலையங்களுக்கு நிதியுதவி

-எஸ்.அரசரட்ணம்

முல்லைத்தீவு, மாந்தை கிழக்குப் பிரதேச செயலகத்துக்குட்பட்ட 14 சனசமூக நிலையங்களுக்கு வடமாகாண சபையால் தலா 10 ஆயிரம் ரூபாய் நிதியுதவி வழங்கப்பட்டுள்ளது.

சனசமூக நிலையங்களின் அபிவிருத்தி உத்தியோகத்தர் எம்.உதயசீலன், நிதியுதவிக்கான காசோலைகளை சனசமூக நிலையங்களின் தலைவர்களிடம் கையளித்துள்ளார்.

சனசமூக நிலையங்களின் வளர்ச்சியை ஊக்கப்படுத்தும் வகையில் இந்த நிதியுதவி வழங்கப்பட்டுள்ளது.

மேற்படி பிரதேச செயலகப் பிரிவில் பதிவு செய்யப்பட்ட 18 சனசமூக நிலையங்கள் இருக்கின்ற நிலையில், அவற்றில் சிறப்பாக இயங்குகின்ற 14 சனசமூக நிலையங்களுக்கு மேற்படி நிதியுதவி வழங்கப்பட்டுள்ளது.