யாழ்.பிராந்தியத்தில் விபத்தில் 51 பேர் உயிரிழப்பு

செல்வநாயகம் கபிலன்

யாழ்.பொலிஸ் பிராந்தியத்தின் கீழ் வரும் 9 பொலிஸ் நிலையங்களுக்குட்பட்ட பிரதேசங்களில் 2015ஆம் ஆண்டு இடம்பெற்ற பாரிய விபத்துக்களில் 51 பேர் உயிரிழந்துள்ளதாக யாழ்.பிராந்திய போக்குவரத்துப் பொலிஸ் புள்ளி விவரத்தகவல்கள் தெரிவிக்கின்றன.

யாழ்ப்பாணம் பொலிஸ் பிரிவில் 14 பேரும் கொடிகாமம் பொலிஸ் பிரிவில் 7 பேரும், கோப்பாய் பொலிஸ் பிரிவில் பகுதிகளில் 7 பேரும், மானிப்பாய் பொலிஸ் பிரிவில் 5 பேரும், சாவகச்சேரி பொலிஸ் பிரிவில் 10 பேரும், சுன்னாகம் பொலிஸ் பிரிவில் 4 பேரும், ஊர்காவற்றுறை பொலிஸ் பிரிவில் 2 பேரும், வட்டுக்கோட்டை பொலிஸ் பிரிவில் 2 பேரும் உயிரிழந்துள்ளனர்.

நெடுந்தீவு பொலிஸ் பிரிவில் எந்தவிதமான விபத்துக்களும் கடந்த 10 வருடங்களாக இடம்பெறவில்லையென்பது குறிப்பிடத்தக்கது.