விசமிகளால் வீதி திட்ட பதாதை சேதம்

க. அகரன்

வவுனியாவில் கிராமிய வீதிகள் மற்றும் உட்கட்டமைப்பு இராஜாங்க அமைச்சரால் திரை நீக்கம் செய்யப்பட்ட வீதித் திட்ட பதாதை விசமிகளால் கிழித்தெறியப்பட்டுள்ளது.

மூன்று கிலோமீற்றர் நீளமான வவுனியா கற்பகபரம் பிரதான வீதி, 1.7 கிலோமீற்றர் நீளமான பாலாமைக்கல் வீதி, ஜனாதிபதியின் ஒரு இலட்சம் கிலோமீற்றர் வேலைத்திட்டத்தின் கீழ், காப்பெட் இடும் பணிக்காக 126.69 மில்லியன் ரூபாய் நிதி ஒதுக்கப்பட்டிருந்தது. 

குறித்த புனரமைக்கான ஆரம்ப பணிகளை, கிராமிய வீதிகள் மற்றும் உட்கட்டமைப்பு இராஜாங்க அமைச்சர் நிமல்லன்சா மற்றும் நாடாளுமன்ற உறுப்பினர் மஸ்தான் ஆகியோர் இம்மாதம் ஆரம்பித்து வைத்திருந்தனர்.

அத்துடன், பிரதமர் மற்றும் அமைச்சர்கள், நாடாளுமன்ற உறுப்பினர்களின் புகைப்படங்களுடன் கூடிய திட்ட பதாதைகளையும் அவர்கள் திறந்து வைத்திருந்தனர்.

இவ்வாறு திரைநீக்கம் செய்யப்பட்ட குறித்த திட்ட பதாதைகளில் காட்சி அளிக்கப்பட்ட அரசியல் பிரமுகர்களின் படங்களே  விசமிகளால் கிழித்தெறியப்பட்டுள்ளன.