விபத்தில் ஒருவர் பலி : மூவர் படுகாயம்

எஸ்.என்.நிபோஜன், சண்முகம் தவசீலன் 

முல்லைத்தீவு பனிக்கங்குளம் பகுதியில் இன்று (26) அதிகாலை இடம்பெற்ற விபத்தில் சிக்கி ஒருவர் உயிரிழந்துள்ளதுடன் மூவர் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளனர்.

கொழும்பிலிருந்து யாழ் நோக்கி பயணித்த சொகுசு பஸ் பனிக்கங்குளம் ஏ-9 வீதியில் பயணித்த போது, வீதியில் தரித்து நின்ற ரிப்பர் வாகனத்தில் மோதியே குறித்த விபத்து இடம்பெற்றுள்ளது.

சாரதியின் கவனயீனம் மற்றும் நித்திரை காரணமாகவே குறித்த விபத்து இடம்பெற்றிருக்கலாம் என மாங்குளம் பொலிஸாரின் விசாரணைகளில் தெரிய வந்துள்ளது.