விபத்தில் ஒருவர் பலி

-செல்வநாயகம் கபிலன்

யாழ்ப்பாணம், நீர்வேலிக்கும் சிறுப்பிட்டிக்கும் இடைப்பட்ட பகுதியில் வெள்ளிக்கிழமை (14) இடம்பெற்ற விபத்தில் ஒருவர் பலியாகியுள்ளதாக அச்சுவேலி பொலிஸார் தெரிவித்தனர். உரும்பிராயைச் சேர்ந்த  தம்பிராசா பாலேந்திரன் (வயது 54) என்பவரே உயிரிழந்தார்.

முன்னே சென்ற இலங்கை போக்குவரத்துச் சபை பஸ்ஸுடன், மோட்டார் சைக்கிளில் சென்றவர்  பின்பக்கமாக மோதியதில் இந்த விபத்து ஏற்பட்டுள்ளது. மேலதிக விசாரணைகளை அச்சுவேலி பொலிஸார் மேற்கொண்டு வருகின்றனர்.