3,014 ஏக்கர் பயிர் செய்கைகள் அழிவடைந்துள்ளது

சுப்பிரமணியம் பாஸ்கரன்

முல்லைத்தீவு பாண்டியன்குளம் துணுக்காய் பகுதிகளில் கடந்த நாட்களாக பெய்த மழை காரணமாக ஏற்பட்ட வெள்ளத்தினால் 3,014 ஏக்கர் வரையான பயிர்ச் செய்கைகள் அழிவடைந்துள்ளதாக கமநல சேவை நிலையங்களின் புள்ளி விவரங்கள் தெரிவிக்கின்றன.

அண்மைய நாட்களாக பெய்த மழை காரணமாக, பல்வேறு பகுதிகளிலும் பெருமளவான பயிர்செய்கைகள் அழிவடைந்;துள்ளன.

குறிப்பாக மேற்கொள்ளப்பட்ட மேட்டுநிலப் பயிர் செய்கைகள் நெற்செய்கைகளும் அழிவடைந்துள்ளன.

முல்லைத்தீவு மாவட்டத்தின் துணுக்காய் கமநலசேவை நிலையத்தின் கீழ், 2,499 ஏக்கர் நிலத்தில் மேற்கொள்ளப்பட்ட பயிர் செய்கைகளே அழிவடைந்துள்ளன.

அதாவது, காலபோக செய்கையில் மேற்கொள்ளப்பட்ட உழுந்து, பயறு, சோளம், கௌப்பி உள்ளிட்ட உப உணவுப்பயிர்கள் நெற் செய்கைகள் என்பன இவற்றில் அடங்குகின்றன.

இதேபோன்று பாண்டியன்குளம் கமநலசேவை நிலையத்தின் கீழ் 515 ஏக்கர் நில பயிர்ச்செய்கையும் இவ்வாறு அழிவடைந்துள்ளது.