கல்விச் செயலமர்வுகள்

-சுப்பிரமணியம் பாஸ்கரன்

கிளிநொச்சி, வன்னேரிக்குளம் ஐயனார் சனசமூக நிலையம், வெளிச்சம் புலம்பெயர் அமைப்பின் நிதியுதவியுடன் பின்தங்கிய கிராமப்புற பாடசாலை மாணவர்களின் கல்வியை விருத்தி செய்வதற்கான கல்விச் செயலமர்வுகளை நடத்தி வருகின்றது.

பின்தங்கிய நிலையிலும் ஆசிரிய ஆளணி வளங்கள் குறைவாகவும் காணப்படும் ஆனைவிழுந்தான், வன்னேரிக்குளம், ஐயானார்புரம் ஆகிய பாடசாலைகளில் கல்விகற்று வரும் மாணவர்களின் கல்வியை மேம்படுத்தும் வகையில் மாலை நேர கற்பித்தல் வகுப்புக்கள் நடத்தப்படுகின்றன.

யாழ்ப்பாணம், பெரதெனியா, தென்கிழக்கு ஆகிய பல்கலைக்கழகங்களில் கல்வி பயிலும் மாணவர்கள், பாடசாலை ஆசிரியர்கள் இணைந்து வகுப்புக்களை நடத்துகின்றனர்.

மேலும், பல்கலைக்கழக மாணவர்;கள், பாடசாலை மாணவர்களின் வீடுகளுக்குச் சென்று பாடசாலை செல்லாத மாணவர்களை மீளவும் பாடசாலையில் இணைக்கும் செயற்பாடுகளும் மேற்கொள்ளப்படுகின்றன.