84 பனைமரக் குற்றிகள் மீட்பு

செல்வநாயகம் கபிலன்

பளை, தர்மங்கேணி காட்டுப் பகுதியில் மறைத்து வைக்கப்பட்ட 84 பனை மரக்குற்றிகளை இன்று வியாழக்கிழமை (22) மீட்டுள்ளதாக பளைப் பொலிஸார் தெரிவித்தனர்.

கிடைக்கப் பெற்ற இரகசிய தகவலின் அடிப்படையில் மேற்படி பகுதியைச் சுற்றிவளைத்த போது, இந்த பனை மரக்குற்றிகள் மீட்கப்பட்டன. ஓரளவுக்கு வளர்ந்த சிறிய பனைகள் வெட்டப்பட்டு குற்றிகளாக்கப்பட்டுள்ளன.

எனினும் இது தொடர்பில் எந்த சந்தேகநபர்களும் கைது செய்யப்படவில்லை என்று பொலிஸார் கூறினர். மேலதிக விசாரணைகளை குற்றத்தடுப்பு பொலிஸார் மேற்கொண்டு வருகின்றனர்.