32 பாடசாலைகளுக்கு 171 வகுப்பறைகள் தேவை

சுப்பிரமணியம் பாஸ்கரன்

கிளிநொச்சி கல்வி வலயத்தின் கீழ் உள்ள 32 பாடசாலைகளுக்கு 171 வகுப்பறைகள் தேவையாகவுள்;ளதாக மாவட்ட செயலகத்தின் புள்ளி விவரத்தில் தெரிவிக்கப்பட்டுள்ளது.

கிளிநொச்சி கல்வி வலயத்தின் கீழ் உள்ள நான்கு கோட்டக்கல்வி அதிகாரிகள் பிரிவுகளிலும் உள்ள 112 பாடசாலைகளில் 8 பாடசாலைகள், தற்காலிகமாக மூடப்பட்டுள்ள நிலையில் 104 பாடசாலைகள் தற்போது இயங்கி வருகின்றன.

இவற்றில் 32,112 வரையான மாணவர்கள் கல்வி கற்றுவருகின்றனர். மேற்குறித்த 104 பாடசாலைகளிலும் குறிப்பிட்ட சில பாடசாலைகளில், ஆளணி மற்றும் பௌதீக வளப்பற்றாக்குறைகள் காணப்படுகின்றன.

இந்நிலையில், கல்வித்துறையில் அடையாளம் காணப்பட்ட பொதுவான தேவைகள் தொடர்பாக மாவட்ட செயலகத்தின் புள்ளி விவரத்தில் 32 பாடசாலைகளில் 171 வகுப்பறை, 17 பாடசாலைகளில் விஞ்ஞான ஆய்வு கூட வசதிகள், 14 பாடசாலைகளில் ஆசிரியர் விடுதிகள், 26 கணனி கற்கை நிலையங்கள், 23 பாடசாலைகளில் நூலக வசதிகள், 11 பாடசாலைகளில் 64 மலசலகூடங்கள், 20 பாடசாலைகளில் தண்ணீர் வசதிகள் தேவையாகவுள்ளதாக இப்புள்ளி விவரத்தில் தெரிவிக்கப்;பட்டுள்ளது.