101 வயதுடைய முதியவர் உயிரிழப்பு

101 வயதுடைய முதியவர் நேற்று (04) சுகவீனம் காரணமாக உயிரிழந்துள்ளார்.

யாழ்.சாவகச்சேரி தனங்கிளப்பை பிறப்பிடமாகவும், திருநெல்வேலி கலாசாலை வீதியை வசிப்பிடமாகவும் கொண்ட பொன்னையா நமசிவாயம் என்பவரே உயிரிழந்துள்ளார்.

ஓய்வு பெற்ற கிராம சேவையாளரான குறித்த முதியவர், 1917 ஆம் ஆண்டு ஏப்ரல் மாதம் 18 ஆம் திகதி பிறந்தார். இவர் கடந்த ஆண்டு தனது 100 ஆவது பிறந்த நாளை தனது குடும்பத்தினருடன் கொண்டாடினார்.

இந்நிலையில், கடந்த ஓரிரு மாதங்களாக சுகவீனமுற்று இருந்த நிலையில் நேற்று (04) மதியம் உயிரிழந்தார்.

இவருக்கு 11 பிள்ளைகளும், 33 பேரப்பிள்ளைகளும், 12 பூட்டப்பிள்ளைகளும் உள்ளனர்.