மீள்குடியேறிய குடும்பங்களுக்கு சுயதொழில் முயற்சி உபகரணங்கள்

(நவம்)

மனித நேய அமைப்புக்களின் கூட்டமைப்பினால் நாளை 4ம் திகதி திங்கட்கிழமை பிற்பகல் 3.00 மணிக்கு வன்னியில் இருந்து வந்து உடுவில் பிரதேச செயலாளர் பிரிவில் மீளக்குடியேறியுள்ள முப்பது குடும்பங்களுக்கு சுயதொழில் முயற்சிக்கான  உபகரணங்கள் வழங்கப்படவுள்ளன.

உடுவில் பிரதேச செயலக மாநாட்டு மண்டபத்தில் உதவிப் பிரதேச செயலாளர் திருமதி.உதயகுமார் யசோதரா தலைமையில் நடைபெறும் இந்நிகழ்வில் யாழ். மாவட்ட அரசாங்க அதிபர் திருமதி.இமெல்டா சுகுமார் பிரதம விருந்தினராகக் கலந்து கொண்டு பொருட்கள் உபகரணங்களை வழங்கவுள்ளார்.

பொதுமக்களின் வேண்டுகோளுக்கிணங்க பல்வேறு தொழில் முயற்சிகளுக்குமான உபகரணங்கள் இந்நிகழ்வில் வழங்கப்படுகின்றமை குறிப்பிடத்தக்கதாகும்.