வடமாகாணத்து விவசாயிகளுக்கு இம்முறை பல்வேறு சலுகைகள்

(பாலமதி)

வடமாகாணத்தில் இவ்வருடம்  விடுவிக்கப்பட்டுள்ள நிலப்பரப்பரப்பில் பயிர்ச்செய்கை மேற்கொள்ளவுள்ள விவசாயிகளுக்கு பல்வேறு சலுகைகளை விவசாய அமைச்சு மேற்கொள்ளவுள்ளதாக அமைச்சின் செயலாளர் ரி. பத்மநாதன் தெரிவித்துள்ளார்.

இந்த வகையில் 22 ஆயிரம் விவசாயிகளுக்கு இலவசமாக விதைநெல் வழங்கப்படவுள்ளது. அத்துடன் பயிர்ச்செய்கை மேற்கொள்ளவுள்ள நிலத்தைப் பண்படுத்த 2 ஏக்கருக்கு 4 ஆயிரம் ரூபா வீதம் வழங்கப்படவுள்ளதாகவும் தெரிவிக்கப்பட்டது.

வடமாகாணத்தில் இம்முறை 2 லட்சத்தி 47 ஆயிரத்தி 767 ஏக்கர் நிலத்தில் பயிர்செய்கை மேற்கொள்ளப்படவுள்ளது- என்று அவர் மேலும் தெரிவித்தார்.