இடம்பெயர்ந்த குடும்பங்களுக்கு வாழ்வாதார உதவிகள்

ஐக்கிய அபிவிருத்தி நம்பிக்கை நிதியத்தின் வாழ்வாதாரத் திட்டப் பிரிவினால் யுத்தத்தினால் பாதிக்கப்பட்டு இடம்பெயர்ந்து தென்மராட்சிப் பிரதேச செயலர் பிரிவில் வசிக்கும் 50 குடும்பங்களுக்கு வாழ்வாதார உதவித் திட்டங்கள் வழங்கும் நிகழ்வு அண்மையில் நடைபெற்றது.

இதில் முதற்கட்டமாக 10 பயனாளிகளுக்கு தையல் இயந்திரங்கள் வழங்கும் நிகழ்வு சாவகச்சேரி மாநாட்டு மண்டபத்தில் நடைபெற்றது. மேலும் 40 பயனாளிகளுக்கான சுயதொழில் உதவிகளாக கோழிக்கூடுகள், தச்சுத்தொழில் உபகரணங்கள், 25ஆயிரம் ரூபா பெறுமதியான சில்லறை வியாபாரப் பொருள்கள் ஆகியவை வழங்கப்பட்டன.

இதில் ஐக்கிய அபிவிருத்தி நம்பிக்கை நிதியத்தின் வாழ்வாதாரத் திட்ட இணைப்பாளர் எஸ். திருக்குமரன், நாடாளுமன்ற உறுப்பினர் சில்வேஸ்திரி அலன்ரின், சாவகச்சேரி பிரதேச செயலர் எஸ். ஸ்ரீனிவாசன், சாவகச்சேரி உதவித் திட்டப்பணிப்பாளர் எஸ். ரகுநாதன் ஆகியோர் கலந்து கொண்டனர்.