யாழ். மிருசுவில் ரயில் நிலையம் மத்திய மாகாண சபையால் புனரமைப்பு

(கவிசுகி)

மத்திய மாகாண சபையின் நிதி ஒதுக்கீட்டால் யாழ். மிருசுவில் ரயில் நிலையம் புதிதாக நிர்மாணிக்கப்படவுள்ளதாக வட மாகாண ஆளுநர் ஜி.ஏ.சந்திரசிறி தெரிவித்தார்.

இதற்காக  20 மில்லியன் ரூபாவை மத்திய மாகாண சபை ஒதுக்கியுள்ளதாகவும் அவர் குறிப்பிட்டார்.

மத்திய மாகாண ஆளுநர் டிக்கிரி கொப்பேகடுவ முதலமைச்சர் சரத் ஏக்கநாயக்க தலைமையிலான குழுவினர் எதிர்வரும் 27ஆம் திகதி சனிக்கிழமை மிருசுவில் பிரதேசத்திற்கு நேரில் விஜயம் செய்து நிலைமைகளை பார்வையிடவுள்ளனர்.

ரயில் நிலையத்தை புதிதாக நிர்மாணிப்பதற்கென 20 மில்லியன் ரூபாவுக்கான காசோலையை அன்றைய தினம் மத்திய மாகாண முதலமைச்சர் டிக்கிரி கொப்பேகடுவ தன்னிடம் கையளிக்கவூள்ளதாக வட மாகாண ஆளுநர் ஜீ. ஏ. சந்திரசிறி தெரிவித்தார்.

ரயில் நிலைய நிர்மாணப் பணிக்கான கேள்விப்பத்திரம் வடமாகாண சபையினால் வெகுவிரைவில் கோரப்படவுஇள்ளதாகவும் மூன்று மாத காலத்திற்குள் நிர்மாணப்பணிகளை நிறைவு செய்ய திட்டமிட்டுள்ளதாகவும்  அவர் மேலும் குறிப்பிட்டார்.