யாழ்.பல்கலைக்கழகத்தில் பேராசிரியர் சிவத்தம்பிக்கு அஞ்சலி

(தாஸ்)

பேராசிரியர் கார்த்திகேசு சிவத்தம்பியின் நினைவஞ்சலி நிகழ்வு இன்று யாழ். பல்கலைக்கழக கைலாசபதி கலையரங்கில் நடைபெற்றது.
இந்நிகழ்வில் பல்கலைக்கழகத் துணைவேந்தர் செல்வி வசந்தி அரசரட்ணம், விரிவுரையாளர்கள் மற்றும் மாணவர்கள் பலரும் கலந்து கொண்டனர்.

இங்கு உரையாற்றிய துணை வேந்தர் வசந்தி அரசரட்ணம், பேராசிரியர் கார்த்திகேசு சிவத்தம்பி மும்மொழிகளிலும் புலமை காரணமாக சர்வதேச ரீதியில் பலராலும் அறியப்பட்டவர். தமிழுக்காக பல சேவைகளை ஆற்றியவர். யாழ் பல்கலைக்கழகத்தில் இராமநாதன் நுண்கலை பீடத்தை உருவாக்க அடித்தளமிட்டவர். பல நூல்களை எழுதியுள்ளார்.

அதுமட்டுமல்லாது நாடாளுமன்றத்தில் மொழிபெயர்ப்பாளராக கடமையாற்றியவர். அமரரது நூல்களை வாசித்து அதன் ஆழத்தை அறிய வேண்டும். அது எவ்வாறு எழுதப்பட்டது, எந்த வகையில் உருவாக்கப்பட்டது என்பதை ஆராய வேண்டும். இதன்மூலமே அமரரது ஆளுமையை பெற்றுக்கொள்ள முடியும்  எனத் தெரிவித்தார்.