நல்லூரில் இராணுவத்தினர் அன்னதானம்

(கவிசுகி)

யாழ். நல்லூர்க் கோவில் திருவிழாவை முன்னிட்டு நேற்றுப் புதன்கிழமை  இராணுவத்தினர் விசேட பூஜை வழிபாடுகளில் ஈடுபட்டதுடன், பக்தர்களுக்கு அன்னதானமும் வழங்கினர்.

இராணுவத்தினரின் 523ஆவது படைப்பிரிவின் ஏற்பாட்டில் கீழ் நடைபெற்ற அன்னதான நிகழ்வில் 523ஆவது படைப்பிரிவின் தளபதி ஜானக வெல்கம அன்னதான நிகழ்வை ஆரம்பித்து வைத்தார். 

சுமார் 5 ஆயிரத்திற்கும் அதிகமான உணவுப்பொதிகள் பக்தர்களுக்கு வழங்கப்பட்டன. நல்லூர் உற்சவக்காலங்களின்போது வருடம் தோறும் இராணுவத்தினரால் அன்னதானம் வழங்கப்பட்டு வருகின்றன.