பூநகரியில் பஸ்நிலையம் இல்லாமையினால் பயணிகள் சிரமம்

(ஹேமந்த்)
பூநகரி பிரதேசத்திகுட்பட்ட நகரப்பகுதியில்   பஸ் நிலையமொன்று அமைக்கப்படாமையினால் பயணிகள் பெரும் சிரமங்களை எதிர்நோக்குவதாக விசனம் தெரிவிக்கின்றனர்.

சங்குப் பிட்டி, கேரதீவு பாலம் நிர்மாணிக்கப்பட்ட பின்னர் பூநகரியில் இருந்து யாழ்ப்பாணம், மன்னார், பரந்தன், முல்லைத்தீவு, வவுனியா, கொழும்பு, கிளிநொச்சி மல்லாவிபோன்ற இடங்களுக்கான பஸ்சேவைகள் நடைபெற்று வருகின்றன.

இப்பஸ் சேவைகளுக்கான மத்திய பஸ் நிலையமொன்றை பூநகரி வாடியடி நகரப்பிரதேசத்தில் அமைக்கப்படுவது அவசியமென இப் பிரதேச மக்கள், அமைப்புகள் வடமாகாண உள்ளுராட்சி அமைச்சிடமும் உள்ளுராட்சித் திணைக்களத்திடமும் கோரிக்கை விடுத்துள்ளனர்.

எனினும் இதுவரையில் அங்கே பஸ் நிலையம் அமைப்பதற்கான நடவடிக்கைகள் மேற்கொள்ளப்படவில்லையென மக்கள் விசனம் தெரிவிக்கின்றனர்.