யாழ். அரச அதிபருக்கு எதிராக பலாலி ஆசிரியர் கலாசாலை ஆசிரியர்கள் ஆர்ப்பாட்டம்

(கவிசுகி)

பலாலி ஆசிரியர் கலாசாலை ஆசிரியர்களைப் பற்றி பாலியல் அவதூறான கருத்துக்களை  யாழ். மாவட்ட அரசாங்க அதிபர் ஊடகங்களுக்கு வெளியிட்டு வருகின்றதாக குற்றஞ்சாட்டி இன்று புதன்கிழமை காலை ஆர்ப்பாட்டமொன்று நடைபெற்றது.

யாழ். பலாலி ஆசிரியர் கலாசாலை வளாகத்தில் நடைபெற்ற இந்த ஆர்ப்பாட்டத்தில், யாழ். பலாலி ஆசிரியர் கலாசாலையைச் சேர்ந்த  நூற்றுக்கணக்கான ஆசிரிய மாணவர்களும் நிர்வாகத்தினரும் ஈடுபட்டனர்.

யாழ். பலாலி ஆசிரியர் கலாசாலை ஆசிரியர்களைப்  பற்றி யாழ். மாவட்ட அரசாங்க அதிபர் இமெல்டா சுகுமார் பாலியல் அவதூறு பிரசாரத்தை மேற்கொண்டு வருவதாகவும்   உண்மைக்குப் புறம்பான வகையில் அரசாங்க அதிபர் ஊடகங்களுக்கு கருத்து வெளியிட்டு வருவதாகவும் ஆர்ப்பாட்டத்தில் ஈடுபட்டவர்கள் தெரிவித்தனர்.

பெண்கள் மீதான பாலியல் சார்ந்த பிரச்சினைகள் குறித்து யாழ். அரசாங்க அதிபர் வெளியிட்டு வரும் கருத்துக்கள் மூலாதாரமற்றவையெனவும் அவர்கள் குறிப்பிட்டனர்.