யாழில் இம்முறை ஆளுநர்களின் மாநாடு

(கவிசுகி)

யாழ்ப்பாணத்தில் எதிர்வரும் செப்டெம்பர் மாதம் ஆளுநர்களின் மாநாடு நடைபெறுமென வடமாகாண ஆளுநரின் செயலாளர் எஸ்.இளங்கோவன் தெரிவித்துள்ளார்.

கடந்த 17ஆம் திகதி வடமாகாண திணைக்கள செயலாளர்களுடன் நடைபெற்ற சந்திப்பில் வடமாகாண ஆளுநர் ஜி.ஏ.சந்திரசிறி இத்தகவலை செயலாளர்களின் கவனத்திற்கு கொண்டுவந்ததாக நேற்று புதன்கிழமை அவர் ஊடகங்களுக்கு குறிப்பிட்டுள்ளார்.

வடமாகாண திணைக்களங்களில் காணப்படும் வெற்றிடங்களை நிரப்புதல், அதிபர் இடமாற்றங்களை மேற்கொள்ளுதல், பிரிவு ரீதியாக வடமாகணத்தில் நடைபெற்றுவரும் வேலைத்திட்ட முன்னேற்றங்கள் தொடர்பிலும் இக்கலந்துரையாடலின்போது ஆராயப்பட்டதாகவும் வடமாகாண ஆளுநரின் செயலாளர் கூறினார்.

இதேவேளை, அதிபர் இடமாற்றத்தை மேற்கொள்ளுவதற்கு குழுவொன்றை நியமித்து அக்குழுவின் மூலம் இடமாற்ற நடவடிக்கைகளை மேற்கொள்ளுமாறு வடமாகாண கல்வியமைச்சின் செயலாளருக்கு ஆளுநர் பணித்துள்ளதாக வடமாகாண கல்வியமைச்சின் செயலாளர் எஸ்.சத்தியசீலன் தெரிவித்துள்ளார்.