யாழில் மீண்டும் மலேரியாத் தாக்கம்

(கவிசுகி)

யாழ். மாவட்டத்தில் என்றும் இல்லாதவாறு மலேரியா பரவிவருவதாக யாழ். பிராந்திய சுகாதார சேவைகள் பணிப்பாளர் ஆ.கேதீஸ்வரன் தெரிவித்துள்ளார்.

யாழ். பிராந்திய சுகாதார சேவைகள் பணிமனையில் நேற்று திங்கட்கிழமை நடைபெற்ற ஊடகவியலாளர்கள் சந்திப்பிலேயே அவர் இவ்வாறு கூறினார்.

யாழ். மாவட்டத்தில்; கடந்த காலங்களில் இல்லாத அளவுக்கு மீண்டும் மலேரியாவின் தாக்கம் அண்மைக்காலமாக அதிகரித்துள்ளதாகவும் அதனைக் கட்டுப்படுத்துவதற்கு பொதுமக்களின் ஒத்துழைப்பை எதிர்பார்ப்பதாகவும் யாழ். பிராந்திய சுகாதார சேவைகள் பணிப்பாளர் குறிப்பிட்டுள்ளார். இந்தியாவில் இருந்து தற்போது தாயகத்திற்கு திரும்புபவர்கள் மூலமாக மலேரியா நோய் மீண்டும் யாழ்ப்பாணத்தில் தலைதூக்கியுள்ளதாகவும் இதனைக் கட்டுப்படுத்துவதற்குரிய நடவடிக்கைகள் எடுக்கப்பட்டு வருவதாகவும் அவர் கூறினார்.