மணல் ஏற்றியவர் கைது

-செல்வநாயகம் கபிலன்

யாழ்.வல்லைப் பகுதியிலிருந்து அச்சுவேலிக்கு சட்டவிரோதமாக உழவு இயந்திரத்தில் மணல் ஏற்றிச் சென்றவரை சனிக்கிழமை (02) கைது செய்துள்ளதாக அச்சுவேலி பொலிஸார் தெரிவித்தனர்.

வீதிப் போக்குவரத்துக் கடமையிலிருந்த பொலிஸார், உழவு இயந்திரத்தை மறித்து சோதனை செய்தபோது, அனுமதிப்பத்திரமின்றி மணல் ஏற்றியமை தெரியவந்தது.

இதனையடுத்து சந்தேகநபர் கைது செய்யப்பட்டதுடன், உழவுஇயந்திரத்துடன் கூடிய மணலும் பொலிஸ் நிலையம் கொண்டு செல்லப்பட்டது.

சந்தேகநபர் ஞாயிற்றுக்கிழமை (03) நீதவான் முன்னிலையில் ஆஜர்ப்படுத்தப்படவுள்ளதாக பொலிஸார் கூறினர்.