இந்திய வியாபாரி கைது

-செல்வநாயகம் கபிலன்

சுற்றுலா விசாவில் இலங்கைக்கு வந்து புடைவை வியாபாரத்தில் ஈடுபட்ட இந்திய வியாபாரி ஒருவரை, இளவாலை - சீனிப்பந்தல் பகுதியில் ஞாயிற்றுக்கிழமை (31) கைது செய்ததாக இளவாலை பொலிஸார் தெரிவித்தனர்.

இந்தியாவின் மதுரை மாவட்டத்தைச் சேர்ந்த ஜானகிராமன் ஜெயராம் குமார் (வயது 27) என்பவரே இவ்வாறு கைது செய்யப்பட்டவராவார்.

கைது செய்யப்பட்டவரிடமிருந்து 2 பயணப் பொதிகளில் புடைவைகளும் பொலிஸாரால் பறிமுதல் செய்யப்பட்டது.

அவரை நீதிமன்றத்தில் ஆஜர்ப்படுத்துவதற்கான நடவடிக்கையை மேற்கொண்டு வருவதாக இளவாலை பொலிஸார் மேலும் கூறினர்.