யாழ். தேர்தல் மாவட்டத்திலிருந்து 529,239பேர் வாக்களிக்க தகுதி

-நா.நவரத்தினராசா

எதிர்வரும் நாடாளுமன்ற தேர்தலில் யாழ்ப்பாணம் தேர்தல் மாவட்டத்தில் இருந்து 5 இலட்சத்து 29 ஆயிரத்து 239பேர் வாக்களிக்க தகுதி பெற்றுள்ளனர் என்று யாழ். மாவட்ட உதவித் தேர்தலகள் ஆணையாளர் அலுவலகம் தெரிவித்தது.

11 தேர்தல் தொகுதிகளைக் கொண்ட யாழ். தேர்தல் மாவட்டத்தின் ஊர்காவற்றுறை தொகுதியில் 22,057பேரும், வட்டுக்கோட்டையில் 47,621பேரும், காங்கேசன்துறையில் 63,217 பேரும், மானிப்பாயில் 54,567பேரும், கோப்பாயில் 55,891பேரும் வாக்களிக்க தகுதி பெற்றுள்ளனர்.

அத்துடன், உடுப்பிட்டியில் 39,204பேரும், பருத்தித்துறையில் 36,138பேரும், சாவகச்சேரியில் 51,702 பேரும், நல்லூரில் 46,699பேரும், யாழ்ப்பாணம் தொகுதியில் 33,050பேரும், கிளிநொச்சி தேர்தல் தொகுதியில் 79,093பேரும் வாக்களிக்கத் தகுதி பெற்றுள்ளதாக அலுவலகம் மேலும் கூறியது.