இரண்டு நாட்களாக யாழ்ப்பாணத்தில் இருட்டு

யாழ்ப்பாண நகரத்துக்கு வெளியே உள்ள அனைத்து இடங்களிலும் நேற்று செவ்வாய்க்கிழமை (18) மாலை 4 மணி முதல் புதன்கிழமை (19) பிற்பகல் 1.30 மணிவரையில் மின்சாரம் துண்டிக்கப்பட்டிருந்தது.

யாழ்ப்பாணம் - காங்கேசன்துறை வீதி, பூநாரி மடத்தடி பகுதியில் மின்கம்பியொன்று அறுந்தமையாலேயே இந்த மின்சார துண்டிப்பு ஏற்பட்டிருந்தது என மின்சார சபை தெரிவித்தது.

அறுந்த மின்கம்பிகளை இணைப்பதற்கு தேவையான ஊழியர்கள் உடனடியாக இல்லாமையால் மின் இணைப்பை உடனடியாக மேற்கொள்ள முடியாமல் போனதாக மின்சார சபை மேலும் கூறியது.