காய்ச்சலால் பாதிக்கப்பட்ட சிறுவன் உயிரிழப்பு

-நா.நவரத்தினராசா

சிறுவன் ஒருவன், ஒருவித காய்ச்சலால் பீடிக்கப்பட்ட நிலையில் யாழ்.போதனா வைத்தியசாலையில் இன்று வெள்ளிக்கிழமை (21) அனுமதிக்கப்பட்டு 3 மணித்தியாலங்களில் உயிரிழந்துள்ளதாக வைத்தியசாலை தகவல்கள் தெரிவிக்கின்றன.

பண்டத்தரிப்பு சாந்தையைச் சேர்ந்த 6 வயதுடைய சிவனேஸ்வரன் டிலிந்தன் என்ற சிறுவனே இவ்வாறு உயிரிழந்துள்ளார்.

இன்று அதிகாலை காய்ச்சலால் பிடிக்கப்பட்ட நிலையில் சிறுவன் சங்கானை வைத்தியசாலையில் அனுமதிக்கப்பட்டு, தொடர்ந்து மேலதிக சிகிச்சைக்காக யாழ்.போதனா வைத்தியசாலைக்கு மாற்றப்பட்டு, அங்கு சிகிச்சை பலனின்றி உயிரிழந்துள்ளார்.

மரண விசாரணை அதிகாரி நமசிவாயம் பிறேம்குமார், மரண விசாரணைகளை மேற்கொண்டார்.