இளைஞர் நாடாளுமன்றத் தேர்தலில் முந்தல் பிரதேச செயலகப் பிரிவில் பதுரு சமான் முஹம்மட் ரில்ஷான் வெற்றி

(எஸ். எம். மும்தாஜ்)

இளைஞர் நாடாளுமன்றத் தேர்தலில் முந்தல் பிரதேச செயலகப் பிரிவிற்கான இளைஞர் நாடாளுமன்ற உறுப்பினராக பதுரு சமான் முஹம்மட்ட ரில்ஷான் வெற்றி பெற்றுள்ளார். .

முந்தல் பிரதேச செயலகப் பிரிவின் இளைஞர் நாடாளுமன்ற உறுப்பினர் பதவிக்காக மூவர் போட்டியிட்டனர். இதில் விருதோடை 'யுனைடெட் யூத் க்ளப்' சார்பில் போட்டியிட்ட முஹம்மட் ரில்ஷான் 149 வாக்குகளைப் பெற்று வெற்றிபெற்றார்.

இத்தேர்தல் நேற்று ஞாயிற்றுக்கிழமை மதுரங்குளி சிங்கள மாதிரி மகாவித்தியாலயத்தில் காலை 8 மணி முதல் மாலை 4 மணிவரை நடைபெற்றது. இதில் ஆர்.பி.சுகந்த சாமர பதிரகே மற்றும் யூ.யூ.கமால் தேசப்பிரிய ஆகியோரும் போட்டியிட்டு முறையே 138, 33 வாக்குகளைப் பெற்றனர். 11 மேலதிக வாக்குகளினால் முஹம்மட் ரில்ஷான் வெற்றி பெற்றார்.