கிணற்றில் தவறி விழுந்து குழந்தை பலி

(எஸ்.எம்.மும்தாஜ்)

பாதுகாப்பற்ற கிணறு ஒன்றினுள் விழுந்த குழந்தை ஒன்று பரிதாபமாக உயிரிழந்துள்ள சம்பவமொன்று மதுரங்குளி, புபுதுகம எனும் பிரதேசத்தில் இடம்பெற்றுள்ளது.

சம்பவத்தில் இசுறு சேனாதி எனும் ஒரு வயதுடைய குழந்தையே இவ்வாறு உயிரிழந்துள்ளது.

நேற்று மாலை இக்குழந்தையை வீட்டில் காணாது பெற்றோர் தேடியுள்ளனர். பின்னர் அவர்களது வீட்டில் உள்ள பாதுகாப்பற்ற கிணற்றில் குழந்தையின் உடல் கண்டெடுக்கப்பட்டுள்ளது.

குழந்தையின் மரண விசாரணை புத்தளம் வைத்தியசாலையில் இடம்பெற்றதுடன் மேலதிக விசாரணைகளை முந்தல் பொலிஸார் மேற்கொண்டு வருகின்றனர்.