புத்தளம் நகர சபையின் எதிர்க்கட்சி தலைவர் உட்பட உறுப்பினர்கள் இருவர் இராஜினாமா

( அப்துல்லாஹ் )

புத்தளம்  நகர சபையின் எதிர்க்கட்சி தலைவர் உட்பட உறுப்பினர்கள் இருவர் இன்று செவ்வாய்க்கிழமை இராஜினாமா செய்துள்ளனர்.

புத்தளம்  நகர சபைக்கான தேர்தலில் சுயேட்சை குழு - 08 போட்டியிட்டு தெரிவு செய்யப்பட்ட  உறுப்பினர்களான எம். எச். எம். பர்ஸீன் மற்றும்  எம்.ஏ. கியாஸ் ஆகியோரே பதவிகளை இராஜினாமா செய்துள்ளனர்.

இவர்களின் வெற்றிடத்திற்கு புதிய உறுப்பினர்கள் விரைவில்  நியமிக்கப்படவுள்ளதாக குறித்த சுயேட்சை குழுவின் தலைவர் எம். ஏ.ஆர்.இனாமுல் ஹஸன் தெரிவித்தார்.  

இதேவேளை, புத்தளம் நகர சபையின் பிரதான எதிர்க்கட்சியான இந்த சுயேட்சை குழு மூலம் தெரிவு செய்யப்பட்ட இரண்டு  உறுப்பினர்கள் முன்னர் இராஜினாமா செய்யப்பட்டதையடுத்தே இவர்கள் இருவரும் நியமிக்கப்பட்டமை குறிப்பிடத்தக்கது.