குடிநீர் விநியோகத்திற்காக ஐந்து லட்சம் ரூபா நிதி ஒதுக்கீடு

(எம்.என்.எம்.ஹிஜாஸ்)

புத்தளம் மாவட்டத்தில் வறட்சி காரணமாக குடி நீர் பற்றாக்குறை ஏற்பட்டுள்ள பிரதேசங்களுக்கு குடிநீர் விநியோகத்திற்காக அநர்த்த நிவாரண சேவைகள் திணைக்களத்திலிருந்து ஐந்து  லட்சம் ரூபா வழங்கப்பட்டுள்ளதாக புத்தளம் மாவட்ட சமூக சேவைகள் அதிகாரி இர்பான் தெரிவித்தார்.

புத்தளம் மாவட்டத்தில் வறட்சி காரணமாக பாதிக்கப்பட்டவர்களின் விபரம் திரட்டப்பட்டுள்ளதாகவும் அவற்றில் கருவெலகஸ்வௌ பிரதேச செயலாளர் பிரிவுக்குட்பட்ட 3 கிராம சேவையாளர் பிரிவிலுள்ள 1000 குடும்பங்களும் மஹாகும்பு கடவெல  பிரதேச செயலாளர் பிரிவுக்குட்பட்ட 2 கிராம சேவையாளர் பிரிவிலுள்ள 600 குடும்பங்களும் பாதிக்கப்பட்டுள்ளதாகவும் இவர்களுக்கு கடந்த 19ஆம் திகதி தொடக்கம் குடி நீர் வழங்கப்பட்டு வருவாகவும் அவர் மேலும் தெரிவித்தார்.