நாட்டிலுள்ள சகல கமநல சேவைகள் மத்திய நிலையங்களிலும் பயிர்கள் பயிரிட வேண்டும்'

(எம்.சீ.சபூர்தீன்)                                           
நாட்டிலுள்ள சகல கமநல சேவைகள் மத்திய நிலையங்களிலும் பழவகை மற்றும் மரக்கறி வகைகளைப் பயிரிட வேண்டும். அவ்வாறு பயிர்ச் செய்கையை மேற்கொள்ளாத அதிகாரிகளுக்குத் தண்டனை வழங்க பின்வாங்கப் போவதில்லை என கமநல சேவைகள் மற்றும் வனவிலங்குகள் அமைச்சர் எஸ்.எம். சந்திரசேன தெரிவித்துள்ளார்.

நாட்டில் 555 கமநல சேவைகள் மத்திய நிலையங்கள் உள்ளதோடு அதிகமான நிலையங்களில் காடுகள் வளர்ந்து காணப்படுகிறது. விவசாய நடவடிக்கைகள் தொடர்பாக மக்களுக்கு ஆலோசனை வழங்கும் கமநல சேவைகள் நிலையங்களில் காடுகள் வளர்ந்து காணப்படுவது பாரதூரமான குற்றமாகும். எனவே சகல கமநல சேவை நிலையங்களும் முன்மாதிரி நிலையங்களாக அமைய அதிகாரிகள் நடவடிக்கைகளை மேற்கொள்ள வேண்டும் எனவும் அமைச்சர் மேலும் தெரிவித்தார்.