நீதிபதிக்கு இடையூறு ஏற்படுத்தியவருக்கு இரு மாத சிறை, அபராதம்

(உபாலி ஆனந்த)

திஸ்ஸவெவ நீர்த்தேக்கத்தின் அணைக்கட்டிற்கூடாக செல்லும் வீதியில் காரில் பயணித்துக்கொண்டிருந்த மேல்நீதிமன்ற நீதிபதியொருவருக்கு இடையூறு ஏற்படுத்தும் விதமாக மதுபோதையில் ஒழுங்கீனமாக நடந்துகொண்டதாக குற்றம் சுமத்தப்பட்ட மோட்டார் சைக்கிளோட்டி ஒருவருக்கு இருமாத சிறைத்தண்டனையும் 23,000 ரூபா அபராதமும் விதிக்கப்பட்டது.

ஏஅஷித குமார எனும் இந்நபருக்கு அநுராதபுரம் பிரதம நீதவானும் மேலதிக மாவட்ட நீதிபதியுமான தர்ஷிகா விமலசிறி இத்தண்டனையை விதித்தார்.

இந்நபரைஅநுராதபுரம் பொலிஸ் நிலையத்தைச் சேர்ந்த உதவி  இன்ஸ்பெக்டர் விஜேசுந்தர நீதிமன்றில் ஆஜர்படுத்தினார்.
சந்தேக நபர் மேற்படி  சம்பவம் இடம்பெற்ற வேளையில் மோட்டார் சைக்கிளுக்கு செல்லுபடியான அனுமதிப் பத்திரத்தையே, காப்புறுதி பத்திரத்தையோ, வாகன வருமான உத்தரவு பத்திரத்தையோ வைத்திருக்கவில்லை என பொலிஸார் நீதிமன்றில் தெரிவித்தனர்.