புதையல் தோண்டிய நால்வர் கைது

(மொஹொமட் ஆஸிக்)

குருணாகல் - பொல்பித்தகம மொரகொல்லாகம பிரதேசத்தில் புதையல் தோண்டிய நான்கு சந்தேக நபர்களை பொல்பித்திகம பொலிஸார் நேற்று முன்தினம் இரவு கைது செய்துள்ளனர்.

பொலிஸாருக்கு கிடைத்த தகவல் ஒன்றின் அடிப்படையில் குறிப்பிட்ட பிரதேசத்தை சோதனையிட்ட பொலிஸார் சந்தேக நபர்களை கைது செய்துள்ளனர்.

இவர்களிடமிருந்து புதையல் தோண்டுவதற்கு பயன்படுத்தப்பட்ட சில உபகரணங்களும் கண்டெடுக்கப்பட்டுள்ளதாக பொலிஸார் தெரிவித்தனர்.

கைது செய்யப்பட்ட சந்தேக நபரகள் நால்வரும் மஹவ நீதிமன்றம் முன் ஆஜர் செய்யப்படவுள்ளதாகவும் பொலிஸார் தெரிவிக்கின்றனர்.