துப்பாக்கி சூட்டில் மீனவர் பலி; பலர் காயம்

ஆர்ப்பாட்டத்தில் ஈடுபட்ட மீனவர் ஒருவர் துப்பாக்கிச் சூட்டுக்கு இலக்காகி மரணமாகியுள்ளார். சிலாபத்திலுள்ள மீனவர்கள் இன்று ஆர்ப்பாட்டத்தில் ஈடுபட்டனர். இந்நிலையில் பொலிஸாருக்கும் ஆர்ப்பாட்டக்காரர்களுக்கும் இடையில் வாய்த்தர்க்கம் இடம்பெற்றுள்ளது. இதனையடுத்து இடம்பெற்ற துப்பாக்கிச் சூட்டிலேயே ஒரு மீனவர் உயிரிழந்துள்ளதோடு பலர் காயமடைந்து வைத்தியசாலையில் அனுமதிக்கப்பட்டுள்ளதாக அங்கிருந்து கிடைக்கும் செய்திகள் தெரிவிக்கின்றன.

பொலிஸாரின் துப்பாக்கிச் சூட்டிலேயே மீனவர் மரணமடைந்துள்ளதாக ஆர்ப்பாட்டக்காரர்கள் தெரிவிக்கின்றனர். இதனை பொலிஸார் மறுக்கின்றமையும் குறிப்பிடத்தக்கது.