கலாஓயா பாலத்தில் நீர்மட்டம் அதிகரிப்பு

(இர்ஷாத் றஹ்மத்துல்லா)

புத்தளத்திலிருந்து எலுவன்குளம் ஊடாகச் செல்லும் கலாஓயா பாலத்தின் மீது நீர்மட்டம் அதிகரித்து செல்வதால் சிறிய மற்றும் நடுத்தர வாகனங்களில் செல்ல முடியாத நிலையேற்பட்டுள்ளது. நேற்று வியாழக்கிழமை மாலை முதல் இந்த நிலைமை காணப்படுவதாகவும் அப்பகுதியில் பாதுகாப்புக் கடமையில் ஈடுபடும் கடற்படையினர் தெரிவித்தனர்.

அநுராதபுரம் பகுதியில் பெய்த மழை காரணமாக கலாஓயாவை ஊடறுத்துச் செல்லும் நீரின் வேகமும் அதிகரித்து காணப்படுகின்றது. மோட்டார் சைக்கிள்களில் பயணிக்க வந்தவர்கள் பெரும் சிரமங்களை எதிர்கொள்கின்றனர்.