வவுனியாவில் கொமர்ஷல் வங்கியின் 196ஆவது வாடிக்கையாளர் சேவை நிலையம்

(ரி.விவேகராசா)

கொமர்ஷல் வங்கியின் 196ஆவது வாடிக்கையாளர் சேவை நிலையம் இன்று காலை வவுனியா - ஹொறவப்பொத்தானை வீதியில் திறந்துவைக்கப்பட்டது.

வங்கியின் நடவடிக்கைகளுக்கு பொறுப்பான பிரதி பொது முகாமையாளர் சனத் பண்டாரநாயக்கா கிளை நிலையத்தினை வைபவரீதியாக திறந்துவைத்தார்.

வாடிக்கையாளர்களுக்கு பல்வேறு  வங்கி செயல்திட்டங்களை வழங்கிவரும் கொமர்ஷல் வங்கியானது நாடெங்கும்  413 ஏ.ரி.எம்  நிலையங்களையும் கொண்டுள்ளதாக பிரதி பொதுமுகாமையளார் இந்த நிகழ்வில் பேசுகையில் தெரிவித்தார்.

வவுனியா நகரில் இது மேலதிக வாடிக்கையாளர் சேவை நிலையமாகும் என தெரிவிக்கப்படுகின்றது.