லங்கா ஐஒசியின் இலாபம் 45 சதவீதத்தால் அதிகரிப்பு

இந்தியன் ஒயில் நிறுவனத்தின் இலங்கையின் பிரிவான லங்கா ஐஒசி நிறுவனத்தின் இலாபம் டிசம்பர் காலாண்டில் 45 சதவீதத்தால் அதிகரித்து 882 மில்லியன் ரூபாயாக பதிவாகியுள்ளதாக அறிவிக்கப்பட்டுள்ளது.

நிறுவனத்தின் பங்கொன்றின் மீதான உழைப்பு வீதம் 1.66 ரூபாயாக அதிகரித்திருந்தது. முன்னைய காலாண்டில் இந்த பெறுமதி 1.15 ரூபாயாக பதிவாகியிருந்தது.

குறித்த காலாண்டில் லங்கா ஐஓசி நிறுவனத்தின் வருமானம் 11 சதவீதத்தால் வீழ்ச்சியடைந்து 18.1 பில்லியன் ரூபாயாக வீழ்ச்சி பதிவாகியிருந்தது. விற்பனை செலவீனம் 13 சதவீதத்தால் குறைந்து 16.4 பில்லியன் ரூபாயாக பதிவாகியிருந்தது. இதன் மூலம் தேறிய இலாபம் 1.7 பில்லியன் ரூபாயாக பதிவாகியிருந்தது.

2015 டிசெம்பர் மாதத்துடன் நிறைவடைந்த ஒன்பது மாத காலப்பகுதியில் லங்கா ஐஓசி நிறுவனத்தின் இலாபம் 77 சதவீதத்தால் வீழ்ச்சியடைந்து 680 மில்லியன் ரூபாயாக பதிவாகியிருந்தது.