பங்குச்சந்தை, தங்கம் விலை மற்றும் நாணயமாற்று வீத நிலைவரங்கள்

 

முன்னைய வாரத்துடன் ஒப்பிடுகையில் கொழும்பு பங்குச்சந்தை கடந்த வாரம் ஓரளவு உயர்வான பெறுமதிகளை பதிவு செய்திருந்தது. தொடர்ந்தும் பங்குச்சந்தையில் ஏற்றத்தாழ்வுகளுடன் கூடிய பெறுமதிகளை அவதானிக்கக்கூடியதாக இருந்தது. வெள்ளிக்கிழமை நடவடிக்கைகள் நிறைவடைந்த போது அனைத்து பங்கு விலைச் சுட்டெண் 7,238.92 ஆகவும், S&P ஸ்ரீலங்கா 20 சுட்டி 4061.56 ஆகவும் பதிவாகியிருந்தன. 

 

டிசெம்பர் 01ஆம் திகதியுடன் ஆரம்பமான கடந்த வாரத்தின் இறுதியில் மொத்த பங்கு புரள்வு பெறுமதியாக ரூ. 6,206,534,942 அமைந்திருந்தது. கடந்த வாரம் மொத்தமாக 33,945 பங்கு கொடுக்கல் வாங்கல்கள் இடம்பெற்றன. இதில் உள்நாட்டு கொடுக்கல் வாங்கல்கள் 32,657 ஆகவும் வெளிநாட்டு கொடுக்கல் வாங்கல்கள் 1,288 ஆகவும் பதிவாகியிருந்தன. 

 

கொமர்ஷல் வங்கி, ஜோன் கீல்ஸ் ஹோல்டிங்ஸ் மற்றும் நெஸ்லே லங்கா ஆகியவற்றின் பங்களிப்பு காரணமாக அபவிசு மற்றும் ளுரூP ளுடு20 ஆகியன நேர் பெறுமதியில் நிறைவடைந்திருந்தன. புரள்வு பெறுமதி 0.9 பில்லியன் ரூபாவாக பதிவாகியிருந்தது. நிறுவனசார் மற்றும் உயர் தேறிய பெறுமதி வாய்ந்த ஈடுபாடு அக்சஸ் என்ஜினியரிங் மற்றும் ஜோன் கீல்ஸ் ஹோல்டிங்ஸ் பங்குகளின் மீது பதிவாகியிருந்தது. சிறியளவிலான முதலீட்டாளர்களின் ஈடுபாடு சியெர்ரா கேபிள்ஸ், ரேணுகா பூட்ஸ் மற்றும் பிராக் லங்கா ஃபினான்ஸ் ஆகியவற்றின் மீது பதிவாகியிருந்தது. ஏசியா அஸெட் ஃபினான்ஸ் லங்கா ஐஓசி மற்றும் லாஃப்ஸ் காஸ் வாக்குரிமையற்ற பங்குகள் போன்ற பங்குகள் மீது கலப்பு ஈடுபாடு பதிவாகியிருந்தது. இதேவேளை, வெளிநாட்டவர்கள் அக்சஸ் என்ஜினியரிங் பங்கு கொள்வனவில் அதிகளவு ஆர்வம் செலுத்தியிருந்தனர்.

 

நெஸ்லே லங்கா, குட் ஹோப் மற்றும் டயலொக் ஆக்சியாடா ஆகியவற்றின் பங்களிப்புடன் சுட்டிகள் மறைபெறுமதியை பதிவு செய்து நிறைவடைந்திருந்தன. புரள்வு பெறுமதி 1.0 பில்லியன் ரூபாவை கடந்திருந்தது. அக்சஸ் என்ஜினியரிங், லங்கா ஐஓசி மற்றும் டோக்கியோ சீமெந்து ஆகியவற்றின் மீது சந்திப்புகள் பதிவாகியிருந்தன. சிறியளவிலான முதலீட்டாளர்களின் ஈடுபாடு சியெர்ரா கேபிள்ஸ், லங்கா சீமெந்து மற்றும் ஃபர்ஸ்ட் கெப்பிட்டல் ஹோல்டிங்ஸ் ஆகியவற்றின் மீது பதிவாகியிருந்ததுடன், கலப்பு ஈடுபாடு பிசிஎச் ஹோல்டிங்ஸ், யூனியன் வங்கி மற்றும் ஆசியா அஸெட் ஃபினான்ஸ் ஆகியவற்றின் மீது பதிவாகியிருந்தது. வெளிநாட்டவர்கள் இதேவேளை நிகர கொள்வனவாளர்களாக பதிவாகியிருந்தனர்.

 

ஜோன் கீல்ஸ் ஹோல்டிங்ஸ், கொமர்ஷல் வங்கி மற்றும் டயலொக் ஆக்சியாடா ஆகியவற்றின் மீது விலை உயர்வுகள் பதிவாகியிருந்தமையின் காரணமாக சுட்டிகள் நேர் பெறுமதியில் நிறைவடைந்திருந்தன. புரள்வு பெறுமதி 1.2 பில்லியன் ரூபாவை கடந்திருந்தது. உயர் தேறிய பெறுமதி வாய்ந்த நிறுவனசார் ஈடுபாடு ஜோன் கீல்ஸ் ஹோல்டிங்ஸ் மற்றும் அக்சஸ் என்ஜினியரிங் பங்குகள் மீது பதிவாகியிருந்தன. கலப்பு ஈடுபாடுகள் சணச டிவலப்மன்ட் வங்கி, யூனியன் வங்கி மற்றும் சியெர்ரா கேபிள்ஸ் ஆகியவற்றின் மீது பதிவாகியிருந்தன. லங்கா சீமெந்து, த ஃபினான்ஸ் கம்பனி மற்றும் சென்ரல் இன்வெஸ்ட்மன்ட்ஸ் அன்ட் ஃபினான்ஸ் ஆகியவற்றின் மீது சிறியளவிலான முதலீட்டாளர்களின் ஈடுபாடு பதிவாகியிருந்தது. வெளிநாட்டவர்கள் அதிகளவு பங்கு கொள்வனவில் ஆர்வம் செலுத்தியிருந்தனர். இவர்கள் புரள்வு பெறுமதியில் 58 வீத பங்களிப்பை செலுத்தியிருந்தனர்.

 

கார்சன்ஸ் கம்பர்பட்ச், செலிங்கோ இன்சூரன்ஸ் மற்றும் லங்கா ஐஓசி ஆகியவற்றின் மீதான விலைச்சரிவுகள் காரணமாக சுட்டிகள் மறை பெறுமதிகளை பதிவு செய்து நிறைவடைந்திருந்தன. புரள்வு பெறுமதி 865 மில்லியன் ரூபாவாக பதிவாகியிருந்தது. உயர் தேறிய பெறுமதி வாய்ந்த மற்றும் நிறுவனசார் ஈடுபாடு அக்சஸ் என்ஜினியரிங், கொழும்பு டொக்யார்ட் மற்றும் சம்பத் வங்கி ஆகியவற்றின் மீது சந்திப்புகளாக பதிவாகியிருந்தன. கலப்பு ஈடுபாடு என்பது நேஷன்ஸ் ட்ரஸ்ட் வங்கி மற்றும் பீபிள்ஸ் லீசிங் அன்ட் ஃபினான்ஸ் மீது பதிவாகியிருந்தது. மேலும், சிறியளவிலான முதலீட்டாளர்களின் ஈடுபாடு லங்கா சீமெந்து, சென்ரல் இன்வெஸ்ட்மன்ட்ஸ் அன்ட் ஃபினான்ஸ் மற்றும் தப்ரோபேன் ஹோல்டிங்ஸ் ஆகியவற்றின் மீது பதிவாகியிருந்தது. வெளிநாட்டவர்கள் அக்சஸ் என்ஜினியரிங் மற்றும் கொமர்ஷல் வங்கி ஆகியவற்றின் மீது அதிகளவு ஆர்வத்தை செலுத்தியிருந்தனர்.

 

கலப்பு பெறுமதிகளுடன் சுட்டிகள் நிறைவடைந்திருந்ததுடன், புரள்வு பெறுமதி 2.1 பில்லியன் ரூபாவை கடந்திருந்தது. உயர் தேறிய பெறுமதி வாய்ந்த மற்றும் நிறுவனசார் ஈடுபாடு ஹேமாஸ் பவர் மற்றும் எயிட்கன் ஸ்பென்ஸ் பங்குகளின் மீது பதிவாகியிருந்தது. புரள்வு பெறுமதியின் 81 சதவீதத்துக்கு இதன் பங்களிப்பு பதிவாகியிருந்தது. கலப்பு ஈடுபாடு என்பது யூனியன் வங்கி, செலான் வங்கி வாக்குரிமையற்ற பங்குகள் மற்றும் லங்கா ஐஓசி ஆகியவற்றின் மீது பதிவாகியிருந்தது. மேலும், சுவிஸ்டெக் மற்றும் HVA பூட்ஸ் மீது சிறியளவிலான முதலீட்டாளர்கள் ஆர்வம் செலுத்தியிருந்தனர். 

 

கடந்த வார கொடுக்கல் வாங்கல் நடவடிக்கைகளில் லங்கா சீமெந்து, பிசி ஹவுஸ், சிட்ரஸ் லெய்ஷர், த ஃபினான்ஸ் கம்பனி மற்றும் முல்லர்ஸ் போன்றன முதல் ஐந்து சிறந்த இலாபமீட்டிய பட்டியலிடப்பட்ட கம்பனிகளாக பதிவாகியிருந்தன. 

செலின்சிங், ஹுனாஸ் ஃபோல்ஸ், ரேடியன்ட் ஜெம்ஸ், குட் ஹோப் மற்றும் பிராக். லங்கா ஃபினான்ஸ் போன்ற நிறுவனங்களின் பங்குகள் அதிகளவு நஷ்டமீட்டியதாக பதிவாகியிருந்தன.

 

கடந்த வாரம் 24 கெரட் தங்கத்தின் சராசரி விலை 43,500 ரூபாவாகவும், 22 கெரட் தங்கத்தின் விலை 41,700 ரூபாவாகவும் அமைந்திருந்ததாக தங்க நகை வியாபார வட்டாரங்களிலிருந்து அறிந்து கொள்ள முடிந்தது. 

 

கடந்த வாரம் டொலருக்கு நிகரான ரூபாவின் சராசரி விற்பனை பெறுமதி 130.20 ஆக பதிவாகியிருந்தது. ஐக்கிய இராச்சிய பவுணுக்கு நிகரான சராசரி விற்பனை பெறுமதி 208.99 ஆக காணப்பட்டிருந்தது.