பொசன் தினத்தைக் கொண்டாடிய கொமர்ஷல் வங்கி ஊழியர்கள்

கொமர்ஷல் வங்கியின் முன்னாள் மற்றும் இந்நாள் ஊழியர்கள் ஒன்றிணைந்து பொசன் தினத்தைக் கொண்டாடி மகிழ்ந்தனர். முற்றிலும் பொருத்தமான வகையில் பக்தி மனம் கமலும் பாடல்களுடன் கூடிய ஒரு இனிய மாலை பொழுதாக இது அமைந்திருந்தது. இலங்கையின் பிரபல பாடகர் விக்டர் ரத்னாயக்க இதில் பிரதம அதிதியாகக் கலந்து கொண்டார். கொழும்பு 07ல் உள்ள நவரங்கஹல மண்டபத்தில் இந்த 'பஹன் கீ' நிகழ்வு இடம்பெற்றது. கொமர்ஷல் வங்கி பொசன் தினத்தை முன்னிட்டு ஏற்பாடு செய்திருந்த 15வது வருட நிகழ்வு இதுவாகும். 'பஹன் கீ' நிகழ்வில் கொமர்ஷல் வங்கி ஊழியர்கள் பக்தி கீதம் இசைப்பதைப் படத்தில் காணலாம்.