3எம் நிறுவனத்தின் முதலாவது வாடிக்கையாளர் தொழில்நுட்ப சேவை நிலையம் அங்குரார்ப்பணம்

A.P.Mathan / 2012 மார்ச் 21 , மு.ப. 07:40 - 0 - {{hitsCtrl.values.hits}}

3எம் லங்கா நிறுவனம் தனது முதலாவது வாடிக்கையாளர் தொழில்நுட்ப சேவை நிலையத்தை அண்மையில் அங்குரார்ப்பணம் செய்திருந்தது. இதன் மூலம் தனது முழுமையான சேவை விபரங்களை வாடிக்கையாளர்கள் ஒரே கூரையின் கீழ் தெரிந்து கொள்ளக்கூடிய வாய்ப்பு ஏற்படுத்தப்பட்டுள்ளது. சர்வதேச நிறுவனமொன்றின் மூலம் இலங்கையில் நிறுவப்படும் முதலாவது தொழில்நுட்ப சேவை நிலையமாக இது அமைந்துள்ளது. 3எம் இந்தியா மற்றும் இலங்கைக்கான முகாமைத்துவ பணிப்பாளர் அஜய் நானாவட்டி இந்த நிலையத்தை திறந்து வைத்திருந்தார்.

சுமார் 1000 பொருட்களுக்கு மேலதிகமாக கொண்ட 3எம் நிறுவனத்தின் வாடிக்கையாளர் தொழில்நுட்ப சேவை நிலையத்தில் வாடிக்கையாளர்கள் முன்னொரு போதும் அனுபவத்திராத பொருட்கள் அறிமுகம் செய்யப்பட்டுள்ளன. 3எம் இன் ஆறு பரந்த தொழில்துறை சார்ந்த பிரிவுகளில் பொருட்கள் செயன்முறை விளக்கங்களின் மூலம் அறிமுகப்படுத்தப்படுவதால், வாடிக்கையாளர்கள் 3எம் பொருட்கள் குறித்த தெளிவான விளக்கங்களை பெற்றுக்கொள்ள முடியும்.

3எம் நிறுவனத்தின் இலங்கை மற்றும் இந்தியாவுக்கான முகாமைத்துவ பணிப்பாளர் அஜய் நானாவட்டி இந்த நிலையத்தின் அங்குரார்ப்பண வைபவத்தில் கருத்து வெளியிடுகையில், '3எம் போன்ற நிறுவனம் எப்போதும் தொடர்ச்சியான கண்டுபிடிப்புகளை மேற்கொண்டு வாடிக்கையாளர்களுக்கு பயனுள்ள வகையில் அவற்றை வழங்கி வருவதில் அதிகம் அக்கறை செலுத்துகிறது. வெளிநாட்டு நிறுவனங்களுக்கு இதை செய்ய முடிவது, உள்ளூர் மயமாக்கலின் மூலமாகும். இலங்கையில் நாம் ஆரம்பிக்கும் இந்த தொழில்நுட்ப சேவை நிலையம் இதன் ஒரு படியாகும். இதுபோன்று எதிர்காலத்திலும் இலங்கையில் ஆய்வு மற்றும் அபிவிருத்தி நிலையங்களை நிறுவ திட்டமிட்டுள்ளோம்' என்றார்.

3எம் என்பது கண்டுபிடிப்புகளை மையமாக கொண்டு இயங்கும் நிறுவனமாகும். விஞ்ஞான மற்றும் தொழில்நுட்ப துறைகளில் தனது வர்த்தக நடவடிக்கைகளை முன்னெடுக்கும் இந்நிறுவனம், இலங்கை உட்பட 65 நாடுகளில் அங்கத்துவ நிறுவனங்களை கொண்டு செயற்பட்டு வருகிறது. இந்நிறுவனம் 46 மத்திய தொழில்நுட்ப புலங்களில் செயற்படுகிறது, இவற்றின் மூலம் பெரும்பாலான பொருட்கள் தயாரிக்கப்படுகின்றமை குறிப்பிடத்தக்கது. இலங்கையில் தனது வர்த்தக நடவடிக்கைகளை 30 பங்காளர் நிறுவனங்களின் மூலம் முன்னெடுத்து வருகிறது. நிறுவனத்தின தீர்வுகள் சுகாதாரத்துறை, தொழில் ஆரோக்கியத்துறை மற்றும் சூழல் பாதுகாப்பு துறை, தொழில்சார் மற்றும் போக்குவரத்து வர்த்தகத்துறை, இலத்திரனியல் மற்றும் தொலைத்தொடர்பாடல் துறை, நுகர்வோர் மற்றும் அலுவலக பார்வையிடல் மற்றும் கிராஃபிக்ஸ் போன்ற துறைகளில் வழங்கப்படுகின்றமை குறிப்பிடத்தக்கது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .