உழவு இயந்திரத்தில் மோதி ஒருவர் பலி

-எஸ்.என்.நிபோஜன்

கிளிநொச்சி,  இரத்தினபுரம் சந்திக்கு அருகாமையில் உழவு  இயந்திரத்துடன்  மோட்டர் சைக்கிள்  மோதி ஏற்பட்ட விபத்தில்  மோட்டர் சைக்கிளில்  பயணித்தவர், சம்பவ இடத்திலேயே உயிரிழந்துள்ளார்.

இரத்தினபுரம்  சந்திக்கு அருகாமையில் உள்ள  வாகன  திருத்துமிடத்தில்  இருந்து, திருவையாறு நோக்கி செல்ல முற்ப்பட்ட  உழவு  இயந்திரத்துடன்  திருவையாறு பக்கத்தில் இருந்து  கிளிநொச்சி நோக்கி சென்று கொண்டிருந்த  மோட்டர் சைக்கிளே, சனிக்கிழமை இரவு மோதியுள்ளது.

சடலம், கிளிநொச்சி  பொது வைத்தியசாலையில் வைக்கப்பட்டுள்ளதுடன் இதுவரை அடையாளம் காணப்படவில்லை என, பொலிஸார் தெரிவித்துள்ளனர்.

மேலதிக விசாரணைகளை கிளிநொச்சி பொலிஸார் முன்னெடுத்து வருகின்றனர்.