எழிலன் வழக்கு விசாரணை ஒத்திவைப்பு

-சண்முகம் தவசீலன், சுப்பிரமணியம் பாஸ்கரன்

இறுதி யுத்தத்தில் காணாமற்போன அனந்தி சசிதரனின் கணவர் எழிலன் (சின்னத்துரை சசிதரன்) உள்ளிட்ட 5 பேரின் உறவினர்கள் தாக்கல் செய்த ஆட்கொணர்வு மனு மீதான விசாரணையை எதிர்வரும் 30 ஆம் திகதிக்கு முல்லைத்தீவு நீதவான் நீதிமன்ற நீதிவான் எம்.எஸ்.எம்.ஷம்சுதீன் இன்று ஒத்திவைத்தார்.

குறித்த வழக்கு,இன்றைய தினம் விசாரணைக்கு எடுத்துக்கொள்ளப்பட்டபோது, அரச சட்டத்தரணிகள் நீதிமன்றில் ஆஜராகவில்லை.

இதனையடுத்து, வழக்கு விசாரணையை, நீதவான் எதிர்வரும் 30 ஆம் திகதிக்கு ஒத்திவைத்தார்.

வவுனியா மேல்நீதிமன்றத்தில் தாக்கல் செய்யப்பட்ட இந்த ஆட்கொணர்வு மனு தொடர்பான விசாரணைகள், முல்லைத்தீவு மாவட்ட நீதிமன்ற எல்லைக்குள் இந்த சரணடைவு சம்பவம் இடம்பெற்றமையால் நியாயாதிக்க அடிப்படையில் இந்த வழக்கு விசாரணை முல்லைத்தீவு நீதிமன்றத்துக்கு மாற்றப்பட்டு விசாரணைகள் இடம்பெற்று வருகின்றன.