ஒதியமலையில் புதிய மாதிரி வீட்டுத்திட்டம்

-சண்முகம் தவசீலன்
முல்லைத்தீவு மாவட்டத்தின் ஒட்டுசுட்டான்  பிரதேச  செயலகப் பிரிவுக்குட்ப்பட்ட எல்லைக்கிராமமான ஒதியமலையில், புதிய மாதிரி  வீட்டுத்திட்டம் ஒன்று அமைக்கப்படவுள்ளது.
தேசிய வீடமைப்பு அபிவிருத்தி அதிகரசபையால் நடைமுறைப்படுத்தப்படும் இந்த வீட்டுத்திட்டத்தில், பயனாளிகளுக்கு தலா அரை ஏக்கர் காணிகள் வழங்கப்பட்டு ஐந்து இலட்சம் பெறுமதியான வீட்டுத்திட்டம் வழங்கப்படவுள்ளதோடு அடிப்படை  தலா  ஒரு ஏக்கர் வயல் நிலமும் வழங்கப்படவுள்ளது.
இத்திட்டத்தின் முதலாவது வீட்டுக்கான அடிக்கல் நாட்டும் நிகழ்வு, ஞாயிற்றுக்கிழமை இடம்பெற்றபோது, வன்னி மாவட்ட நாடாளுமன்ற உறுப்பினர் செல்வம் அடைக்கலநாதன் சிறப்பு அடிக்கல் நாட்டி வைத்தார்.
மக்கள் குறைவாக வசிக்கும் இவ்வாறானக் கிராமங்களில் முன்னெடுக்கப்படும் வீட்டுத்திட்டங்கள் ஊடாக   எல்லைக் கிராமங்கள் பாதுகாக்கப்படுமென பிரதேச மக்கள் தெரிவிக்கின்றனர்.