கஞ்சாவுடன் இருவர் கைது

-க.அகரன்

வவுனியா, பரசங்குளம் பகுதியில் வைத்து, 31.6 கிலோகிராம் கஞ்சா போதைபொருளுடன் சந்தேக நபர்கள் இருவர் கைது செய்துள்ளதாக, புளியங்குளம் பொலிஸார் தெரிவித்தனர்.

பொலிஸாருக்கு கிடைத்த தகவலையடுத்து, வவுனியா, பரசங்குளம் பகுதியில் வீடொன்றில் பதுக்கி வைக்கப்பட்டிருந்த  கஞ்சா மீட்கப்பட்டுள்ளது.

அத்துடன், கைதுசெய்யப்பட்ட இரண்டு சந்தேக நபர்களையும், வவுனியா நீதிமன்றத்தில் ஆஜர்ப்படுத்த நடவடிக்கை எடுத்துள்ளதுடன் மேலதிக விசாரணைகளை முன்னெடுத்துள்ளதாக, புளியங்குளம் பொலிஸார் மேலும் கூறினர்.