கணவாய் பிடித்தவர்களுக்கு பிணை

-செல்வநாயகம் கபிலன் 

பருத்தித்துறை கிழக்கு கடற்பரப்பில், குளைபோட்டு கணவாய் பிடித்த குற்றச்சாட்டில் கடற்படையால் கைதான உள்ளூர் மீனவர்கள் ஒன்பது பேரையும், தலா 1 இலட்சம் ரூபாய் பெறுமதியான ஆட்பிணையில் செல்ல, பருத்தித்துறை நீதவான் நளினி கந்தசாமி, நேற்று (15) அனுமதி வழங்கினார்.  

அத்துடன், இவ்வழக்கு விசாரணையை எதிர்வரும் 31ஆம் திகதி வரை ஒத்திவைத்து உத்தரவிட்டார். 

பருத்தித்துறை - கிழக்கு தும்பளை மற்றும் முனை பகுதிகளில், கடற்படையினரும் கடற்றொழில் நீரியல்வளத்துறை அதிகாரிகளும் இணைந்து மேற்கொண்ட திடீர் சுற்றிவளைப்பு நடவடிக்கையின்போது, குளை போட்டு கணவாய் பிடித்த குறித்த ஒன்பது மீனவர்களும் கைது செய்யப்பட்டனர். 

அவர்களிடம் இருந்து 4 படகுகள் கைப்பற்றப்பட்டன.